|
| 踏入10月,好像剛傷癒復出的劉翔一樣,一個又一個比賽,一個又一個活動,好忙.......
cover girl完了,又到miss macau,做女人背後的男人絕對不易,要包容女性天生的過份感性,過份主觀,過份執著,而又要唔好太直接講,唔好影響佢自信......的確不簡單.
短短4日,完成了MP 2週年bbq,去左3個朋友的生日,去左1個教堂婚禮,好充實,但感覺各異,有d好開心,有d好感動,有d投入唔到,有d.....唉~ ~ 其實很怕去一d 紅白2事,人大了,一切都很冷漠.人際關係我日頭已經做了好多,可以比我放假及休息做返自己好嗎?
其實要對一d朋友 say sorry~~希望我的心不在焉影響唔到你的心情啦~ ~
黎緊生日的朋友~~慶祝我ok架,不過唔該簡單d好嗎,唔想在別人面前假快樂!! | | |
| 忙了一個月,終於可以休息一下,整理一下自己的事
塔石通訊節生意比想像中好,打風無減入場人數,公司生意好,希望有佣分啦~
mp的女生,開展了各不同大小的比賽,絕對是她們成長的一個寶貴階段,希望大家可以投入過程中的每個細節,享受比賽中的酸甜苦辣.
協會還在政府程序中慢慢地等待......期望快d成立,又是一個夢想的實現~
由Bling-Girl,到MPOWER,到協會,好慶幸有同我一樣好仆心仆命地行動的朋友,無你地,我諗我一個人無可能做到拱多,在我近5年中,有你地,我才覺得自己唔係只是得把口,諗到,唔一定做到,但唔行前一步,夢想永遠只是一個夢~
近日身邊的人都忙到死~希望大家都可以找到減壓的方式.如果無,可以黎mpower,因為果度已經變左一個綜合娛樂中心,百幾吋投影打PS3,Wii,卡啦ok還在setup中.生日開party一流~ ~
| | |
| 心情好差....因為昨日中午,舊屋陪我老豆的北京狗小白離開了.....
昨日中午,老豆打算出街食飯,小白怪叫了幾聲,之後行到老豆身邊,望著老豆,抖左10分鐘左右大氣就走了,老豆打比我,我放工同丁太上去,小白沒有心跳,沒有呼吸,我地帶左佢去狗房,處理好牠的事.
養了牠9年,小白仔是在下環街買的,第一次見佢,好可憐,比條繩縛著,訓在一堆咸酸菜上面,是一間有花卉同菜賣的鋪頭,同佢洗左好耐,個肚由橙色變番白色.細個果時好Cutie,但,愈大愈惡,當時買牠,係為左家中另一隻西施b仔有個伴,佢地返黎果時得3-4個月大,一起玩,一起食,相處了3年,之後我結婚,搬出黎住,b仔跟左我地,小白就陪我老豆.
由於牠沒有病痛,牠離開家中各人都覺得好突然,老豆睇著牠走,心中的那份痛,一定很難過,我安慰老豆,佢好叻仔,無咩太辛苦,也知到你鍚佢,先想你陪佢走最後一程,有主人陪牠走,是牠最開心的最後一件事了.
心情未平服,上午返去幫手執拾小白的東西,心中就想起牠小時候的事,人就是這樣,失去了,才學會珍惜.昨日回家,抱著b仔,忍唔著喊左出黎,我唔敢諗當b仔走我同丁太會有幾難過,但我會同b仔講,牠有生之年,我會使佢快快樂樂生活.
各位想養寵物的朋友,提醒你,牠們比你先走是一定,你要承受佢比你的開心,快樂,也要承受牠離開的痛.....
| | |
| 好多野,時間唔配合,只會帶來一次又一次的遺憾.............
個天好喜歡比好多好野我,但永遠係我無手接的時候........
好Down........
(二零零零年零時零分)
(電視直播紐約時代廣場o既慶祝人潮)
(我有無見過你呀？)
(我由布魯塞爾坐火車去阿姆斯特丹)
(望著o係窗外面飛過o既幾十個小鎮)
(幾千里土地幾千萬個人)
(我懷疑我o地人生裡面)
(唯一可以相遇o既機會)
(已經錯過o左)
| | |
| 6月22日,其實是一個有記念性的日子,不過同我一樣記得呢日的人,應該開開心心的過自己的生活~
6月中,開始忙正職的事,月底的開倉特賣,7月中旅遊塔的通訊展,我負責統籌公司中的人手,產品,推廣,聯絡,哈哈,好像很複雜,其實只要諗好流程,所有野都不難,而關鍵係各人是否"合作",盡力做好件事.
7-9月,mp有女生參與比賽,自上年memi,cherry在比賽中有不錯成績,今年有壓力的,幸好,出賽的女生,都有一定實力,我只是指導她們的心理質素就ok了.
開始做返d運動,個人真係會開朗左,但體力上話我知,我真的不再年青了......今日同個玩柔道的年青人玩2手,佢對我留手,我就要盡全力先破到佢的固鎖技,唉.........比人吋踢腿都無力,壓制技又唔夠力量,話就話之前傷過,但真係有招式無體力好難再打了.(注:柔道我無玩開,我係玩過小小泰拳加跆拳道)
今日要在公司計劃7月的假期,安排左7月尾休息一下,同d女生返mp hea下,影相,食野,其實對著佢地,除了一份壓力,有時都可以幾放鬆(佢地唔好迫我問幾時有job同找人幫佢地影相果時) | | |
|
